Pages

Banner 468

Rexhepi konfirmon: Disa policë të lënduar në Merdare

 
...( Tingujt e Jetes )...

Rexhepi konfirmon: Disa policë të lënduar në Merdare

E plotësuar- Ministri i Punëve të Brendshme, Bajram Rexhepi ka konfirmuar se disa pjesëtarë të Policisë së Kosovës janë lënduar përderisa po pengonin kalimin në Kosovë të një grupi serbësh nga Serbia përmes pikës kufitare në Merdare.
Ministri Rexhepi ka njoftuar për radion Evropa e Lirë se bëhet fjalë për lëndime të shkaktuara me gurë, që ky grup serbësh kishte hedhur në drejtim të policisë së Kosovës.
Ai tha se kishte edhe të shtëna armësh, por nuk janë shënuar plagosje të pjesëtarëve të policisë nga këto të shtëna.
“E kemi kthyer një grup të njohur si Delije (simpatizantë futbolli të Cërvena Zvezdës), që njihen si nacionaliste dhe me atë rast janë lënduar disa policë, kryesisht bëhet fjalë për lëndime me gurë”, i ka thënë Radios Evropa e Lirë, ministri Rexhepi.
“Janë dëgjuar edhe të shtëna me armë zjarri, por ato kanë qenë në anën e Serbisë", theksoi ai.
Ky grup i pjesëtarëve serb që tentuan të futen në Kosovë besohet se kishte për qëllim pjesëmarrjen në festën serbe të Vidovdanit.
Këtë vit, komuniteti serb shënon 623 vjetorin e Betejës mesjetare të Kosovës, e cila ndryshe njihet në radhët e këtij komuniteti si “Vidovdan”.
Ndryshe, manifestimet qendrore për këtë ditë mbahen në Graçanicë dhe Gazimestan. Autoritetet e rendit kanë shtuar praninë në rrugët që çojnë drejt këtyre lokacioneve.
E plotësuar: Burime të Kosovapress-it brenda Policisë së Kosovës, kanë njoftuar se turma ekstremiste të serbëve ka plagosur 24 policë të Republikës së Kosovës, deri sa kanë tentuar që në mënyrë të dhunshme të hynë në territorin e Republikës së Kosovës. Këto burime bëjnë të ditur se të plagosurit janë nga armë zjarri dhe mjete të forta.
Kosovapress ka tentuar që të kontaktojë zyrtarët e Policisë së Kosovës, por ka qenë e pamundur të merret një informacion zyrtar.
Ndryshe, serbët ekstremist kanë tentuar që në mënyrë të dhunshme ta kalojnë kufirin e Kosovës, për të shënuar festën e tyre fetare – Vidovdan, por policia nuk ka lejuar hyrjen, ndërsa situata vazhdon të jetë ende e tensionuar në këtë pikë kufitare.
E plotësuar: Rreth orës 05:00 një grup prej afër 70 vetash, i paparalajmëruar i qytetarëve të nacionalitetit serb , pjesëmarrës të marshit të Vidovdanit janë mbledhur në afërsi të urës kryesore. Tre prej tyre kane kaluar pengesat me gurë në urën kryesore dhe kanë filluar të ofendojnë policët në detyrë.
Ndryshe, Policia përmes një kumtese ka njoftuar se me qëllim të qetësimit të situatës ka përdorur sprejin dhe ka larguar këta qytetarë në pjesën veriore të urës dhe nën përcjellje të policisë me dy autobusë të njëjtit janë përcjellë në pikën kufitare në Merdare , përmes të cilës pikë janë larguar nga territori i Kosovës.
Me urdhër të prokurorit është hapur rasti “ Prishje e rendit dhe qetësisë publike”. /Telegrafi/